تبریزکهن-صنم محمدزاده دکترای ادبیات
آذری اؤلکه سینین غم هاواسیندان یازیرام
داغلانان مین کؤنولون، مین یاراسیندان یازیرام
اولدوزو، آی ایشیقی، توپراقیلا توزلا سؤنن
بیر صاباحسیز گئجه نین، من قاراسیندان یازیرام
بورونوب چم دومانا، یاسلا دولوبدور ائلیمیز
من او نیسگیللی غمین یؤخ چاراسیندان یازیرام
چاره‌سیز آهو کیمی قول بویون اولموش بالالار
اوره‌گی آهیله دولموش آناسیندان یازیرام
گئجه نی صوبحه قَدَر، دردلریله هارای چَکَن
وای دیین بیر آنانین، اؤخشاماسیندان یازیرام
او گئجه خان چوبانین، بیرده ییخیلمیش اِئوینین
عشقی ناکام اولانین من ساراسیندان یازیرام
ائلیمین سئل گوجو وار، ال بیر اؤلوب دور عشقیله
من او غیرتلی ائلین‌دن وفاسیندان یازیرام
صنم
لینک کوتاه :
https://www.tabrizkohan.ir/?p=6654
